1. Бояре и ближние люди живут в домех своих, в каменных и в древяных, без великого устроения и призрения; и живут з женами своими и з детми своими покоями. Да у них же болших, не у многих, бояр учинены на дворех своих церкви; а у которых церквей нет, и они болшие и середних статей бояре, которым поволено держати в домех своих попов, заутреню и часы и молебен и вечерню отправливают у себя, в своих хоромех, а у обедни они бывают в церквах, кто где прихож, или где похочет; а в домех у них своих окром церквей обедни не бывает ни у кого; и дают они бояре и ближние люди попом своим жалованье, по зговору, погодно, и дается женатым людем попом помесечной корм и ествы и питье, а вдовые попы едят з боярами своими вместе за столом, у кого что прилучилось.